بسم الله الرحمن الرحيم
السلام عليكم ورحمة الله وبركاته ^^ كيفكم ؟! اخباركم 
من يوم رحت الصين وانا ودي اكتب في المدونة عنها وكذا لكن للاسف الكسل كان مسيطر على الوضع ! 
اول شي وقبل كل شي احب اهني الي زي اختي تماماً تونا على الزواج من الاخ الفاضل سبموكي واتمنى لهم حياة مليئة بالفرح وبالتونات والسنابيك الصغار 
ثانياً ريكسو على عمل العملية والله يشفيها يا رب ويرد لها الصحة والعافية
ثالثاً كل عام وانتم بخير اقل من اسبوع يفصلنا على رمضان ،، الله يبلغنا هو وكل احبابنا يا رب ويتقبل منا اعمالنا 
نرجع للمحور الاساسي الصين !
الصيف الي فات زرنا احلى بلاد العالم من وجهة نظري تايلند الحبيبة وبصراحة عشت فيها اجمل ايام حياتي <3
وهذا الصيف قررنا نزور الصين الشقيق الي يبعد عن السعودية ١٤ ساعة بس 
اول شي اخترنا خطوط Cathay Pacifc ! الخطوط هي خطوط هونج كونج كانت جيدة لا اكثر ولا اقل لكن المسافة بين الكراسي كانت قصيرة بشكل جداً يضايق :/ لكن استحملنا الى ما وصلنا هونج كونج ^^ بلد مهما وصفتها انا ظالمها مطارها لوحده يخقق صراحةً ،، وجو البلد رااائع والناس الي فيها اروع ويفهموا انجليش ولو قليلاً للاسف ما جلسنا فيها كثير وطلعنا على خطوط Dragon Air الى جوانزو الي هي اساساً وجهتنا الاساسية ،،،
وبعد ما قضينا كم يوم في جوانزو رحنا الى شينزن “مدينة التكنلوجيا” لكن جلسنا فيها يومين فقط لا غير لاني كما ذكرت سابقاً وجهتنا كانت جوانزو ^ـ^
المهم ، الرحلة اسبوعين وملياااااانة مواقف وحكاوي صعب اني اذكرها كلعا في دي التدوينة لكن رح احاول
الصين بلد الكشخة …
كيف يعني ؟! انا اقولك ،، الصين بلد فيها كل شي تتخليه يعني كل الايميلات والبرودكاستات الي تجيك فيها اشياء غريبة انا شفتها هناك ،، اي شي ممكن تتخيله يبيعوه اي شي يعني اي شي ،، كل ما يتمناه المرأ موجود .. ولكل شي تتخيله سوق ، يعني سوق تي شيرتات لحال ، سوق شنط لحال ، سوق بنطلونات لحال ، سوق العاب ، سوق احذية – الله يكرمكم – ، سوق غرائب سوق قماش ،، الخ يعني كمية اسواق تسد العين صراااحة !!
وكل سوق اكبر من السوق الي قبله يعني اذا كان مكيف يكون على الاقل سبع ادوار كل دور تجلس تلف فيه لين تطفش ،، واذا كان شارع ، يكون شارع له بداية ما له نهاية يعني لو جلست اسبوع تلف فيه ما رح تخلص ،، اشتريت كل شي نفسي فيه والحمد لله يعني كل شي كل شي ،، وكل شي عندهم ارخص من السعودية وبفرق وااااضح يعني مثلاً الايباد اشتريته لخالي بفرق يصل الى اكثر من ٥٠٠ ريال اقل من السعودية ،، لكن لازم تعرف تتعامل معاهم لانهم شعب نصااااب الشي يبدأ معاهم بـ ٣٠٠ ريمبي ممكن تشتريه بـ ٢٠ ريمبي او اقل حتى ،، يعني لازم تكون حرييف مكاسرة :p
وكل محل تلاقي عنده نفس الاشياء لكن باسعار مختلفة احياناً اقل واحياناً اكثر ،، لو جلست من هنا الى بكرا اتكلم عن الاسواق ما رح اوفيها حظها !! يعني كل شي تتخيله موجود باسواق الصين !!
ملاحظة العملة حقتهم اسمها يوان ، لكن يقولوا لها ريمبي ، والريمبي الواحد يساوي 0.6 ريال
الصين بلد العمى !!
هذه الجزء قد يكون مضحك ،، او غير قابل للتصديق ،، لكن كانوا يفكروني صيني هناك ليش ما ادري ،، :/ وكل ما ندخل محل يجلسوا يكلموني صيني لدرجة اني احياناً اصدق نفسي واسوي فاهم :p
الصين بلد القرف :& !!
هذه الفقرة ليست لاصحاب القلوب الضعيفة :p يعني شعب الصين مقزز لدرجة مو طبيعية كثير منهم روايحهم معفنة جداً ويقرفوا من ريحة العطر لو شموها عليك
لدرجة ان حتى اطفالهم الله يكرمكم ما يلبسوا حفايض :/ على طول يشلحوا ملابسهم ويسوها على الارض او حتى احياناً ما يضطروا يشلحوا لان اهلهم يكونوا مسوين خرم من نفس الملابس :/ ما ادري ليش دا القرف لكن ،، الحمد لله على نعمة الاسلام دين الطهارة ()
والاكل دا له خاانة خاااااااصة :/
الصين بلد الريجيم الاجباري !
اول شي تعرفه لمن تروح الصين ان وزنك رح ينزل غصب عن اهلك ،، يعني لانها بلد شيوعية ما لها دين فالاكل في المطاعم زي ماكدونالدز وكنتاكي حرام ،، والاكل الصيني في المطاعم الصينية حرام كذلك ، حيث الدجاجة معلقة من راسها وريحة الاكل الله يكرمكم زي المجاري :&
لذلك كان من الطبيعي في هذه الرحلة اني ما اكل احياناً لمدة تصل الى ٢٦ ساعة ،، والاكل الوحيد الي نقدر ناكله بيتزا هت بيتزا بالخضار ،، او تعرفنا على شخص سوري هناك الله يجزاه خير ابن خالته عنده مطعم لبناني اكله مرررة لذيذ واحنا تعرفنا على مطعم ثاني اكله جداً سيء لكن على الاقل حلال ، بمناسبة المطعم الثاني اسمه الف ليلة وليلة يوم دخلناه نقول للرجال الي يشتغل فيه هو عربي نقوله الاكل هنا حلال ،، قال ان شاء الله حلال ويوم دخلنا لقينا ناس جالسة تسكر ورقاصة ! يعني فعلاً ما ادري وش يحس فيه !!
رحت الصين البس ٣٤ رجعت البس ٣٢ !!
الصين بلد العمارة
في جزء في جوانزو اسمه جوانزو الجديدة فيها ثالث اطول برج في العالم ، وعدة ابراج تقدر تلف عليها واحد واحد عن طريق المترو الخاص فيها ،، المكان رااااائع والتصوير فيها شي فوق الوصف ، المباني رائعة جداً بكل تفاصيلها وطبعاً الشوارع هناك جداً منظمة ونظيفة يعني الارض تلمع مع انها اسفلت :p
الصين بلد التسوق فقط !
لمن رحنا الصين كنا نحسب زي تايلند واننا نقدر نروح اماكن سياحية وكذا لكن المفاجأة انه ما فيها اماكن سياحية كثير :/ يعني بس اسوااااق ، رحنا حديقة حيوان وكان خاااايسة :/ لكن الحق لله رحنا لجبل طلعنا له بالتليفريك وكان جداً حمااااس ورائع وتشوف كل المدينة من فوق الجبل والجو لطيف وكل شي رائع ،، يمكن هذا الشي الوحيد السياحي الي سويناه ،، ايه صح برضوا المباني الي ذكرتها قبل شوي رااائعة للسياحة لكن كلها تحلصها في يوم ،، لذلك هي بلد تسوق اكثر من سياحة بعكس تايلند الي كانت تجمع بين الاثنين بكل سلاااسة 
شينزن !
زي ما قلت لكم رحنا شينزن وكانت بلد التكنولوجيا …ما كنت سيئة ولا حلوة لكن كانت غالية :/ ما فيها شي يذكر الا نافذة على العالم الي هي عبارة عن معالم العالم مصغرة ومحطوطة في مكان واحد .. غير كذا ما كان في شي يذكر !
اثناء زيارتنا للصين جلسنا اول شي في فندق Holiday Inn في جوانزو كان مو حلو ابداً وما انصح فيه ! جلسنا لمدة يومين
ثم باقي الرحلة في فندق South America هذا الفندق خيااال رائع جداً وانصح فيه من كل قلبي
في شينزن رحنا لـ Holiday Inn Express وكان ممتاز جداً
الصين عموماً مو مرة رخييصة زي ما اغلب الناس تفكر عاادية اسعارهم زي السعودية ، لكن المنتجات الالكترونية صراحة ارخص بكثييير من هنا
كان في نهر اللؤلؤ Pearl River بصراحة يذكرني بالنيل ايام لمن كنا نروح مصر :p نفس الجو تقريباً وهذا شي مو بطال ترا ;p
البقالات عندهم متعة لحال فيها كل اشياء غريبة ونكهات اللبان خ ق ق !! يعني اشتريت لبان لين قلت بس واشتريت كاسات للقهوة بحكم اني احبها بكميات هااائلة :p
واشتريت كفرات للايفون لين قلت بسين مو بس واحد
يعني الخلاصة اشتريت كل الاشياء الي نفسي فيها واغلبها اغراض One Piece اشتريت كل حاجة مرسوم عليها one piece حتى ايفوني شكله صار رهيييب من بعد ما ركبت له sticker ون بيس !
اشتريت ملابس ، واشتريت كل حاجة ما شاء الله بس :p
يعني الحمد لله ما رجعت الا وانا شاري كل شي نفسي فيه حتى الـ Nintendo 3DS اشتريته :$
واشتريت ولاعة عليها ون بيس لكن رموها مني في المطار كان ودي اصرخ زي الاطفال ، حتى الرد بول عندهم شكله رهيب اشتريته اجيبه معي لكن رموه في المطار :”(
لدرجة طلع علينا وزن زيادة ٣٠ كيلو :$ لكن الحمد لله مشو لنا ١٥ كيلو على الميزان والباقي شلناه بيدنا لكن المضيفة الله يجزاها الف خير :”) شالت مننا الاغراض الي كنا شايلينها وشحنتها لنا مجاناً :”) حبيتها من كل قلبي !!
هذا مختصر عن الرحلة << يلعن شكل كذا اختصار وبالنسبة للصور مررررة كثيره صراحة وما قدرت ارفعها في المدونة لكن تقدروا تشوفوها على
Facebook او Google+
وكاان من اجمل ما حصل في الصين هو رؤية ريكس وتوتا وامجد ^^ الله يشفيكي يا ريكس ويردك سالمة
وفي النهاية شي شياي على القراءة ،، اي شكراً بالصيني :p
واستودعكم الله ،، <3
المهم كنا متفقين انا وصحبة امي قالت لي اروح اجيب الكيكة من المحل ع الساعة ٧ هو على اساس اننا مفهمين الوالدة انها معزومة برا عند وحدة من صديقات صحبتها << علاقة صعبة الفهم xD 
